लायन केशरबहादुर भण्डारी निर्वाचित

२०८१ चैत १७, काठमाडौं । लायन्स क्लब अफ भक्तपुर दिवेश्वरी र लायन्स क्लब अफ काठमाडाैं भिजनकाे सयुक्त आयाेजनामा हिजो सम्पन्न लायन्स अन्तर्राष्ट्रिय डिष्ट्रिक्ट ३२५ एफ नेपालकाे महाधिवेशनबाट आगामी २०२५/२६ काे लागि डिष्ट्रिक्ट गभर्नर पदमा लायन केशरबहादुर भण्डारी निर्वाचित हुनुभएको छ ।

यसैगरी प्रथम भाईस डिष्ट्रिक्ट गभर्नर पदमा लायन अजयप्रसाद खनाल, दोस्रो भाइस डिष्ट्रिक्ट गभर्नर पदमा लायन मनोज कुमार सापकोटा र International Director Indosy मा लायन शम्भु घिमिरे निर्वाचित हुनुभएको छ ।

यसैगरी निर्वाचित गभर्नर भण्डारीले क्याबिनेट सेक्रेटरीमा लायन इन्द्रबहादुर कार्की, क्याबिनेट ट्रेजरर लायन डा. सुभाष घिमिरे, GET Coordinator लायन भरत प्रसाई, GLT Coordinator लायन प्रधुम्न कुमार पोखरेल, GMT Coordinator लायन चक्रपाणि दाहाल, GST Coordinator लायन वसन्त थापा र LCIF Coordinator लायन ध्रुबबहादुर कार्कीलाई मनाेनित गर्नुभयो ।

कार्यक्रमको प्रमुख आतिथ्यता दिव्य शताब्दी पुरुष डा. गौरीशंकर लाल दासले गर्नु भएको थियो । साथै गभर्नर शंकर सारदाको सभापतित्वमा सम्पन्न कार्यक्रममा प्रमुख अतिथि दास, क्याप्टेन विजय लामालाई सम्मान गरिएको थियो ।

लायन्स क्लब अफ भक्तपुर दिवेश्वरी र लायन्स क्लब अफ काठमाडाैं भिजनकाे सयुक्त आयाेजनामा भएकाे कार्यक्रम अघि चाबहिलदेखि पासाङ्ल्हामु चाेकसम्म प्रभात फेरि सम्पन्न भएको थियो ।

स्मार्ट प्यालेस, चाबहिलमा भएकाे कार्यक्रममा PID संजय खेतान, GAT Area Leader लायन खगेन्द्र सिटाैला, LCIF Area Leader लायन राजन लम्साल, काउन्सिल चेयरपर्सन रमेश लामा, पूर्व काउन्सिल चेयरपर्सन डि.आर. खनाल, डिष्ट्रिक्ट गभर्नर राजेन्द्र गिरी, डा. कमल कायस्थ र चण्डीप्रसाद अर्याल तथा वरिष्ठ गायक प्रेमराजा महतले मन्तव्य राख्नु भएको थियो । क्यविनेट सेक्रेटरी लायन प्रनिता शर्मा वरालले कार्यक्रम सञ्चालन गर्नुभएकाे थियाे ।